الأوامر لـ محمد شتا

 

أحضنينا
من بداية الضلمة
لطلوع النهار ..
رممى
الشرخ اللي ظاهر
من مراره لانكسار ..
إزرعي
ورد الآمل جوه القلوب .
إمسحى
دمع الغلابه
شبعوا فيكى الانتظار ..
كسرى
كل الحواجز والجسور ..
إعدلى
الوزن اللي
مايل علــ القبور ..
غيرى القبلة إتجاهنا .
مش ضروري
الحاشية تسكن فــ القصور ..
حولى
كل الصحاري للغيطان ..
إرسمي
وشي اللي عجز
ع الشوارع والحيطان ..
إوعي لسه تكونى
مش طاهرة بدمائنا ف الوضوء .
بكفاية لسه بتقبلى
إن الإمام يبقا الشيطان ..
لو تسألي ؟؟
لو تسألي كل الشوارع والبيوت ..
هيقولولك .
كل نبتة جوه أرضك
لية اخرها يبقا موت ..
كل صوت حر ف مكانة
لية بيتحول سكوت ..
كل حلم حلمنا بية
أدفن جوه التابوت ..
ليه تملى بتسجدى
تحت الطاغوت ..
إهربي ..
إهربي بكل الحوارى
والنجوع
إمحي منك معنى كلمة
الخضوع ..
إعدلي الكفة اللي مالت .
وإطعمي فم الغلابة /
طفحوا فيكي
الذل جوع