اكتئاب حاد لــ محمد البديوي

 

 

او صوره جدي الي مفارق..

فارق للدنيا ومش فارق ..

كان كل اسبوع عند الدُكتر..

ويقوله ياعم الحج استُر ..

وبلاش تدخين ..

فيرد يا دُكتر ف الاخر ..

من الطين وهنرجع للطين ..

ويجيني يوميها بيتسَحّب ..

ويقول خُد هاتلي سجاير ..

وخلي الباقي علشانك ..

وامانه متقولش لأمك ..

هتوجع راسي وودانك ..

قأقوله يا جدو والدُكتر

فيرد :

-دا كلام شعارات يا ابن الغاليه

والدنيا بحور واطيه وعاليه ..

=شعارت ازاي يعني يا جدو ؟

-زي النواب والدستور ..

هتهالي اشوفك مجبور ..

ويدخن نَفّسين ف الفَسحه ..

ويكمل نفسه تطّمين ..

انا جدي الغالي مات لكن ..

بعدما بطل نيكوتين !!