يا مستبده لـ طارق مبارك

يا مستبده علي الوجع كيف كان اللقا بعد الفراق .. 
يا مفرقه كل القلوب كيف كان قلبك في الاشتياق .. المطرة نازله بتشتكي بحجة الغياب .. 
والسحابه فوق قفلت وراها الباب .. 

يا مستبده علي الاحلام 
كيف كان حلمك في المنام .. 
اوصفي الدنيا الغريبه بانها تشبه غيام ..
احكيلي مرة عن كلام
انكتم ببرد الاحساس ...
صبيلي من نفس الكاس
جرعه حضور ..
انا ارضي ارض بور...
وارضك انتي ارض حور ..
مزروعه فيها كل الجناين بلا عدد ..
يا مدد علي الاوليه والصالحين ...
انا كنت عايش كما العايشين ..
ف الحب زرعوا ارضهم بالورود ..
وانا قلبي اشبه للدفوف ..
يا ام الكفوف ..
دقي كمان علي نبض قلبي
واشبكي ..
عشقك شبك ..
فراقك نبت ..
صوتك حبك ..
روحك نمت ..
ف الضلع المكسور اياه ..
ف حبك حياه ..
تفاصيل حياتك قللت جوايا غربه ..
تفاصيل بعادك صورت الحياة بضربه...
مشهد متفصل محبوك ...
غير كل المشاهد ..
حتي الافيش رفض يكونله شاهد ..
مشهد تكرر بالوعود ..
مشهد ممرر في اللسان ..
وانا كنت زمان..
بشوفك كما لحن عود ...
ممزوج بلحن الكمان ..
مشهد عتاب
مشهد 1 ...
اشهد باني كنت طفل جوا ارض العشاق ..
اشهد بان الله تعالي ساعتها شاء ..
اني اكون عاشق حضورك ..
بانك تكوني عاشقه الغياب..
مشهد 2 ...
صوت ضعيف بيترج من البرد ..
وان كان كلامي كله سرد ..
ف قربي او حبي ليكي ماهوش عرض ..
انا روحي بتنحني ..
قصاد ان عشق روحك فيها فرض
مشهد 3 .....
موته هيا ولا حياه
من بعدك ضي النهار مابيدفيش
ضل اللي تاه .. مالاقاش طريق
فرجع وراه ...رغم ان وراه مايساعيش
مشهد ختام ...
سيبتي شعور الذنب فيا واكنه سكينه تلمه
وانا كنت مستكفي بعينيكي ليا لمه
الحب صحيح بيموت لو عاش في ضلمه ..
لكن حبك عاش رغم السكوت وساب فيا ضمه