صباحك جميل لـ تامر شاكر

صباحك جميل
وبلبل يميل 
علي غصن نادي
ودعوه لبلادي

تلاقي السبيل

صباحك مسامحه
ودعوه محبه
في سجده اما تصحي
قلوب طارحه فرحه
في أرض النخيل

صباحك كفاح
طموح روح في بكره
ملوش في اللي راح
وأحلام متعرفش يوم مستحيل

صباحك حنين
لاهلك وأرضك وعشرة سنين
وراحتك في قعده تقول كلمتين
مابين قلبك وقلب صاحب أصيل

صباحك هدايه
وقسمه في طاعه لربك كفايه
حلاوة الحكايه تكون في النهايه
في جنه وكاسها مزاج زنجبيل .