وباقي ف التاريخ نكسات ورافضة انها تنزال وباقي ف العقول تشويه وقلبان كما الزلزال وباقي ف السكات فيض كلمات ورافضة انها تتقال
وباقي علي الخدود دمعات وعاصية انها تنسال وباقي ع الطريق مسافات مابين عايش ومن هاجرللسما ف رحلات
وباقي ع سما جلمى أنا خطوات وباقي مع الحزين تزيفُه للضحكات وباقي مع الفقيرمن عيشُه فُتات وكام مليم من البقشيش وباقي من الجنود فتافيت وباقي من الوطن ماباقيش
وباقي فى الوداع سلامات وباقي فى الفراق عتابات وباقي فى الوطن عِصابات وباقي ع العيون عُصابات
باقي معايا كام موال يغنيهم فواعلي وبيه يسب تملي دوم ويذم ف من جوع ومين سيل بحور الدم ومن شيل حريمنا الهم ومن سارق شباب روحنا وحملها جبال أحزان ولاتتلم
وباقي من القصايد بحر وباقي من الخلايق قهر وباقي من الفضائل عُهر ::::::::::::::::::::::::#هبه_عبد_الرحمن
