وعشان اتنيلت وحبيت !
هتشوف الدنيا سواد ف سواد ..
وهتقلب للناحيه الهندى ..
وتشوف شاروخان / وسراس / وقبول
والفون على طول يفضل مشغول
كنت بتحسب ان الايام ..
هتعدى ولونها كلون الورد ..
والخيط اتفرتك ميت حته
من كتــــر الشــــد .!!
ماتسنجل يابنى وريحنى ..
السنجله كيـــف ..
لافلوس هتضيع ، ولا حد يبيع
والجيب ما هايفضى من المشاوير ..
ولا عقل يطير
ولا تعزف لحن تنام منه ..
خليك مع صاحبك صدقنى ..
سنجل مبسوط / ولا عندى ضغوط ..
وشــروط ف شرووطـ
وابوها يرفض طقم الفناجين ..
علشان ناقص فنجان بالظبط ..
مانتاش ناقص دوشه واحزان ..
خليــكـ مع صاحبكـ كده عالقد ..