حاسس ب ايه ..؟! لـ سهيله الفقيه
_مخنوق اوى ..
طب حاول تحكى ..
_مانيش قادر ..
طب جرب تبكى
_ اهو بعافر ..
طب ايه ال حصلك ؟
_ ولا حاجه
ولا حاجه ازى ..
_ مش محتاجه ..
صحابك مشيوا ؟
_ ما هى سذاجه
_انى امسك فيهم
طب حبك ضاع ؟؟
_ اهو كالعاده..
يعنى انت لوحدك ؟؟
_ لا طبـعا ..
طيب مين جمبك ..؟؟
_ ولا انسان ..
كده انت لوحدك !!
_ متهيألك ..
طيّب تعبان ؟؟
_ بضغط على المى واوجعاى ..
روحت لدكتور ؟؟
_ وجعى ماهوش عايز دكتور ..
_وانا اصلى صبور .. راح استحمل
طيب فطريقك ده مكمل ؟؟
_ ماهو انا مش عارف امتى هموت ..
وهتفضل كده عايش فسكوت ؟
_ كده احسنلى ..
طيب ماتفوق ؟!
_ انا اصلى شويه كده وهروق ..
طب جرب نام ؟!
_ انا فعلا نايم بمخدّر
