في شيخنا إمام حاجة غريبة بتسحر كل مِـن سِمعه بـعمنا نجم وكلماته ف سبحانه ده من جمعه وصوت درويش وقرش حشيش وقفل الشيش مع البقشيش في خلطتهم دماغ تانية بأحزانه تتوه مني بقا الدنيا في ألحانه ويعلا نبضي في الثانية بأشجانه مع الحجار كدة يلعلع في حنجرته حجر صوّان بصوته يغني ويسمَّع كتير ألوان في تتر مسلسلات بذات صَعيدي يمد لجدوده تتوه مني السنين أوقات ف باكل مِشِّي وبدوده .. وأفوق بس من الفجوة بفنجاني واه ياني من العادة عشان قهوة وعقلي باطنه صار منحوت تفوَّقني ده لو مظبوط وبزيادة ترجعني سنين وسنين ولو سادة تفكرني بذكري حنين بصوت بيتنا و بالشارع وب حيطانه مع الجامع وستي وهي بتصلي وجدي بيقرا في القرآن وأمي وهي بتقَلِّي وخالي جاي معاه جرنان وتسجيلنا في يوم جُمعة فتنزل مني 100 دمعة تعذبني بماضي زمان وبطَّمن بصوت رفعت بيقرا ف سورة الرحمن وصوته بيعلا ويجلجل (فبأي آلاء ربكما تكذبان ) فبتبسِّم وبهدا أوام وبفضل عايشة في الذكري سنين قدام يا أهلي وناسي واصحابي ريحتكو أمان ف ضموني ... يا أهلي وناسي واصحابي بكام تفصيلة ع الهامش وعيني وجفني الرامش يرف كتير أنا الحلم بدون تفسير أنا مية بتتفجر عيون للبير ف زِمُّوني كما هَاجر ده نفسي بجد لو أهاجر وأسافر جوّة نن العين ومعرفشِ طريقي لفين راح أحضن بس تذكرتي وأغمَّض جوّة نضرتي وهتنقل بين الرموش وأمشي في طريق مرشوش وشوش شهدا بتضحكلي واسلِّم ع اللي سبقوا جيوش فـ بسمع صوت بيندهلي بقرَّب منه واتحقق بشوف جيكا معاه عفت في قعدة كبيرة مع مينا معاه خزام وبسمع صوت أنس قدام فبضحك .. نفسي لو اضمه وعينه بتنضح الاوهام يدَوَّر فيّا علي أُمه ويتبسِّم وكله اهات ف بتبسِّم أوام في سكات .. والاقيهم يسيبوني فـ اخاف لو ضحكي زعَّلهم وبندههم .. ألاقي الصوت صبح مخنوق بسرعة أفوق وعيني عياط فـ الاقي الغنوة بتدندن .. .. جيفارا مات !
كان الخليفة العباسي أبو جعفر المنصور يضيق على الشعراء فهو كان يحفظ القصيدة من أول مرة يسمعها فيها
الحقـن العميـق بالعضـل وتحـت الجلـد لغـير المنتمين للمهن الطبية مبادئ عـامـة : يراعِ غسل اليدين جيدًا بالماء والصابون ثم ي...
انا لي سماء كالسماء صغيرة زرقاء احملها على رأسي واسعى في بلاد الله من حي لحي هذي سمائي في يدي
تعليق علي رواية # الجزار لحسن الجندي ...................................... انه الطريق الذي نختاره بإرادتنا ,وعندما نسير فيه...
او صوره جدي الي مفارق.. فارق للدنيا ومش فارق .. كان كل اسبوع عند الدُكتر.. ويقوله ياعم الحج استُر ..
مقدمة : ----------- بينما تتابع تحركات البشر داخل المسجد بلا اهتمام ، انتبهت له يعبر صحن المسجد بخطي سريعة , تعلقت عينيه بها لل...
طعمه ايه العمر لو من غير عنيها ؟ زي شئ غير مستساغ بيعه ملهاش أي شاري لوتبيعها بقرش ساغ
تصوَّرني ___________________ كُل شئ قسمة ونصيب " يعني كَان لازِم يغِيب القدر نافِذ خلاص ! كُل حَاجة يا بنتي اصلاً عند ربِ...
