- سيــادة الرئيس عايزة اجازة لأخويا العريس عروسته يا عيني بـفستان فرحها بقالها خميس و فين العريــس ...؟
- فــ يوم الزفاف جاني المقدم " فلان الفلاني " وقالي يا بنتي أخوكي "شهيد " وجابلي حاجاته فـ " صندوق حديد" وقالي يابنتي عزاهم جماعي هانحمل حدادهم ف كل البلاد
- لا يا اسمك ايه لا يمكن لقاتل يشيل الحداد "تابوت الحداد " هاشيله ياريس / انا و الولاد انا و ابن عمه و اخوه الوحيد و مينا و مرقس و جرجس سعيد فريقه الجديد معاه لعبوا كورة وكسبــوا البطولة و دلوقتي ناقص/ فريقهم " شهيد "
ورغم اني بنت و لسه بـ ضفيرة ورغم ان ابويا رافض بـ حيرة و رغم اعتراض الجموع الغفيرة هانزل مكانه وهاكسب عشانه فـ آخر تحدي ف ماتش النهائي لكنه ياجدي ماهواش نهائي
انا لسه ليا معاهم حساب آخد بتاري و دم الشباب ولو حد يقدر يمانع قراري يقولي اوام فالو تقدر تموت ف قلبي الإيمان و تقفل عليا السكك و البيبان و تمنع خروجي لـ قلب الميدان * تفضل تقدم بـ خطوة للامام وقول للعساكر هاتوها/ هنا وخلوها تخرج من هنا/ مدمنه
لكــني قوية لا يمكن هاخاف و عارف دا ليـه ..؟ تقدر تقول انا فيا ايه هيتخاف عليه علي عرضي مثلا خلاص يسوي ايه ما مات اللي كان هايفرحلي بيه فـ يلا بناقص و جملة أذية ويلا بناقص مـ العيشه دية