حوار الروح لـ طارق مبارك

• حتنام يعني وتستني 

• كابوس الحلم يرجعلك 

• ومين قالك تتمني 

• تلاقي حد يشبهلك 

• ماكنتش عارف مـ الاول

• ان المراية خداعه 

• وليه فـ البصه بتطول

• مع ان البصه وجاعه 

• حتنام يعني وتسيبني 

• مع نفسي اقاعد بتكلم 

• طب كنت ليه بتندهني 

• وانت مـ جواك بتتألم 

• صحيح العِشرة ماتهونشي 

• وانا حجيلك كمان مرة

• فبالله عليك ماتقفشي 

• وسيبلي فـ المرايه بصة 

• وامانه عليك لو غيبت 

• تنادي عليا وتخبط 

• يجوز يفتح مابينا الباب 

• يجوز يقفل مابينا غياب 

• يجوز ارجع واكونلك حلم 

• بدل مـَ بقيت فـ قلبك هم 

• يجوز الدنيا تتعلم 

• ماتخلطش الفرح بالغم 

• يجوز ابقي ويجوز تبقي

• يجوز اموت وانت تعيش 

• يجوز الروح لما تحب 

• ماتكونش النهايه مفيش