شرطه سوده لـ محمود عبدالوهاب
طول ما ماشيه بالفساد
واللي راح عمره ما يرجع
مهما وقفو عليه حداد
الحكومه هي هي
عمرها ما اتغيرت
ماشيه بتدوس ع المواطن
والكرامه اتبعترت
كل واحد فينا قابل
يبقي مشهد جوه سيما
كل واحد فينا راضي
انه يبقي مالوهش قيمه
واللي سكتوا فـ يوم هيبقوا
ملفوفين فـ ملايه بيضه
وانتو برضو هايجي دوركو
لما يبقي القبر اوضه
واللي هايكون باقي منكو
صوره فيها شرطه سوده
والبرامج زي نحله
نازله ع الغلبان تقرص
ده عشان اعلام بلدنا
في الاساس اعلام معرص
ناس بتعمل سبق صحفي
م الدموع ومن العياط
واحنا بكره هايجي دورنا
ويدفعولنا تعويضات
اعذروني مش هاطاطي
مش هخاف من اي حد
البلد دي بدون مبالغه
داخله بينا فـ حيطه سد
