كان نفسي مرة اجري عليه و استوقفوا و استحلفوا و اقولو ليه كان نفسي يعني اسأل حضرته حسيت ب ايه ... ؟لما الامانى خنتها حسيت ب ايه ... ؟لما البراءة جوا مني كسرتهافادك ب ايه ... ؟ طب يعني ليه ... ؟ماهم زمان قالوا كده " ان يا ابني يوم عرف السبب بطل العجب " ف لو سمحت ... ! احكيلي مثلا هل أنا معاليك جرحت ... أو كنت مرة بين ايديك و لحد تانى سبتك و رحت ... أو اني يعني بنت م اللي ... اللي اللي...... مريت ف لحظة لقيتنى ف الشارع بغني و الناس كده ب يتحاكوا عني ويقولوا اني بنت ليل مع كل طير بسرح و اميل م أنا لو فهمت اكيد هابطل اسألك ! و اكيد هابطل اروح لحد بابك و اقف ساعات استنظرك و اكيد هابطل أقول بان حضرتك لساك ساكني و جوا مني ولان مش هايفيدني شرح ومش هاتفهم اد ايه أنا بعشقك ولا اد ايه بخاف تجاوب ف اكرهك ولا حتى ليه أنا بسالك ف ياريت جاوبنى ومش هاوجع دماغ جنابك و افهمك أنا بس هاسمع من سكات و امشي ف ثبات بس أنت جاوب يعني علي كل اللي فات