شخابيط وجع لـ مريم احمد

شاب الكلام من كتر ما صابو الوجع
قرر يسبب الحمل علي كتف الجدع
أصل الوجع مالهوش علاقة ان كنت بيه أو واد جدع
عارف الوجع
يكمن ف انك كل مرة بتضل الطريقتلقي النهاية محكمة ف تقيد علي قلبك حريق قلبك طليق و أنت غريق عالق يادوب ف ضل ذكري من زمانلكن خلاص فات الآوان القلب مات و القلب لو من غير جسد مالهوش مكانو أدي الجدع
قرر يهاجر بلده و يسيب الجيران
و يروح علي أرض الحنان
و هناك يخاطب الحيطان
يرسم علي كل الببان
" ضحكة امل "
يمكن و جايز محتمل
يعرف طريق الضحكه فين
يمشي شمال يحود يمين
و ف كل ركن من المكان فايت انين
سايب دموعه تشكي من كتر الحنين
و ف أيدو كشكول الحياه
و ف كل يوم يفتحلو صفحه بطوق نجاه
يكتب ف أول سطر
" كانت هنا يوما ف كان "
ينزل لآخر سطر
" عن هنا رحلت ف مات "
يمضي ف ركن قلبه بسطر دموع
يشطب تاريخ اليوم . ينسي انه كان موجوع
شخبوطة ف التانية خلص الوجع ف كتاب
شخبوطته دمعت ليه ؟
موجوعه باكية عليه
غزلت دموعها عقود
علي حظو و المعهود
كات اخر الشخابيط