google-site-verification=6uz_yI7yuYvpFTWk6ngziM-ElJfFg7OX7ImzeGzWWOA
analytics.js
analytics.js
gtag.js.
google-site-verification: googleb7f9ba82ca33403c.html
مجلة مراسيل : ضيوف شرف لـ محمد الحويف
-
ضيوف شرف لـ محمد الحويف
بسم اللي عَاشُوا يحسَبوها
بسم اللي خَافوا م الحَياة
بسم اللي إختاروا يتوهوا
علشان خافوا من النجاة !
بسم اللي كان قَرارهم
إنهم مش هيقرروا
بسم اللي كان إختيارهم
إنهم هيضيعوا
كُل فُرصة لحاجة حلوة
لجل إنهم خَايفين
بسم اللي كان نِفسهم
بس ماقالوش عايزين
هتعيشوا الحياة كام مرة
لجل ما تفضلوا ساكتين
كل اللي عاشوا خايفين . .ما عاشوش
كل اللي كانوا مُترددين . . ما كانوش
كل اللي عاشوا بيحلمواحتي لو ماحققوش
يكفيهم شَرف الحِلم
يكفيهم إنهم ماكانوش
ضيوف شَرف فـ الفيلم !