كان يوم تلات لـ محمد شتا

كان يوم تلات .. 
وفي ليلة هادية . ممزوجة بـ سكات .. 
اتنين حبايب معزومين
على سهرة حلوة فـ حضور الفراق ..

بداء السلام 
اهلًا حبيبتى وحشانى من اخر عناق ..
ردت علية
اهلًا علاء !!
رد ف ذهول !!
مالك في اية ؟ صوتك وشكلك أثر الزعل باين علية
حتى السلام كان مختلف مش بالإدين
حتى العنين
أوسع ما فيهم ضحكتك بقوا ضيقين
شكلك كدة بيقول وداع
أو قدر
أو اى حاجة بيلزقوها فـ ال باع
أو عمر رايح علـ الهدر
أو يعني مثلا
أصل النصيب كان اقوى جداً
أصل الظروف كات صعبة جداً
أصل الأصول ف ابن الأصول
اللي بيتحمل وجع
ردت علية ..
كفياك بقي !!
كل الحكاوي اخرها بُعد ..
كل البعاد كان اصله قرب..
كل القصص مش مكتوب لها تكمل بحب ..
كل القلوب تأليف اله ..
ومحناش نهاية الحياة ..
كفياك بقي !!