انا كنت طفلة مختلفة شوية ,
كنت بشوف تفاصيل غالباً الناس لا تراها بوضوح , والى الأن.
طول عمرى بكره
Disney princess
والقصص اللى كانو بيحكوها عنهم
كنت بشوف Cinderella
ضعيفة وغبية مش طيبة .
و Snow white
عديمة الموهبة وتافهة أصلاً
فكرة ان الجمال هو الهبة والمقياس الوحيد اللى بيمز الانسان عن غيره مرفوض بالنسبة ليا من صغري .
belle
إنهزامية , اختارت أسهل الحلول بدل ما تقاوم او تحارب .
وRapunzel
ضعيفة وتافهة الاتنين مع بعض , عايشة حياتها مستنية الفارس اللى هينقذها !
من غير محاولة للتحرر .
فكرة انه لازم يكون في جزء من القصة الاميرة فيه ضعيفة أو مقهورة ومش قادرة تقاوم فتقبل مضطرة انها تستلم وتقعد تندب حظها الى ان يأتى الفارس المنتظر او الجنية اللى حتحل الأمور من غير ادنى محاولة للتفكير او مقاومة او بحث عن حلول
دايما كانت بتسببلى ضغط عقلى ونفسي كبير في سنى الصغير وقتها , كنت بسال نفسي , طيب ليه ميحاولوش بنفسهم يقاوموا
ليه , لازم يبقى في حد منتظر هو اللى هينزلك من البرج العالى اللى انتى محبوسة فيه ؟! , وليه تبقى محبوسة أصلاً ؟! وليه مقيدة بمشكلتك الى ان تأتى جنية اللى هتساعدك , وبرده هتفضلى مقيدة بدقة الساعة .
ليه كل القصص دى عكس القيم اللى بتتزرع جوايا .
رفضت أغلب قصص ديزنى بتلقائية
بس كان نفسي أطير زى بيتر بان :) <