google-site-verification=6uz_yI7yuYvpFTWk6ngziM-ElJfFg7OX7ImzeGzWWOA analytics.js analytics.js gtag.js. google-site-verification: googleb7f9ba82ca33403c.html مجلة مراسيل : عن حروفكـ لـ كاري -

عن حروفكـ لـ كاري

 

عن حروفك اللي ساكنة

وسط تقاطيع الكلام

عن حبيبتك اللي خايفة

متحسش معاك آمان

هي ليه دايماً بعيدة!

وانت مش عايز تقرب

بالطريقة اللّي شايفة

حبك ليها هيبقي اطهر

غلطتها الحقيقة كانت

لما قربت زيادة

لما سمحتلك تقول

"حبك ليها خلاص عبادة"

رفضها كان في السكوت

اللي فكرته علامة

وسكوتها عمره ما كان قبول

والايام عدت ولكن

الطريق غير الطريق

تحاول تنساها فتقسي

وترجع تلقالها وجود

وهي ليه محاولتش تنسي

وقالت"يصح ولا يجوز"

تتحرق ببرد الشتا

ترجع تلاقها ربيع

لسة صادقة علي الوفا

حتي لو كنت بعيد

تيجي انت وليها ترجع بالجروح

ولإن الجرح كان اقوي من الكلام

عن وجعها مقدرتش تبوح

لسة برده شايفها جارحة

وشايفها السبب الاساسي

إنك ليها تبقي جارح

وإنك ليها كمان تخون

وإن جات وسامحتك في يوم

فقانون المسامحة مش شامل كلمة "رجوع"

هي حبيبتك القديمة

وهي جعبة الهموم

وإنت ياما حاولت تبعد

ترجع تلاقيها بتستناك

إنت شفتها "قديسة"

هي حسبتك"ملاك"

‫#‏كاري‬


تعليقات الفيس
0 تعليقات البلوجر

0 التعليقات :