google-site-verification=6uz_yI7yuYvpFTWk6ngziM-ElJfFg7OX7ImzeGzWWOA analytics.js analytics.js gtag.js. google-site-verification: googleb7f9ba82ca33403c.html مجلة مراسيل : هدايا لـ هلا عماد -

هدايا لـ هلا عماد

هدايا بالنيابة عن جنونى
 ممكن أهديلك لغم ؟؟
نفسى أهديلك.....دواير
 من ألم
مفاتيح أوض قلبى 
ونجمة من عدم
أنا قلت إيه؟؟؟أبدا مقلتش
أنا بس فى عنبر جنونى
 كنت فاكرة إنى لسة 
ممكن أتكلم معاك
إن صوتى لسة بيرن فى ودانك
وإن أنا مهما إتحبست بألف باب
دايما هناكمحمية فى دايرة هواك
ياترى ترضيك هدايا حبى ليك
ولا أفسرلك جنون المعنى من طلة عيونى 
بالنيابة عن جنونى نفسى أهديلك لغم
ينفجر فى وش كل اللى يعادوك
نفسى أهديلك دواير من ألم تحصرك
 دايما في قلبى وغير عيونى ما يشوفوك
أهديك كمان مفاتيح أوض قلبى القديمة
بكل كراكيب السنين
 اللى ياما حيروك
والهدايا توصلك ملفوفة فى دمع العيون
مش كتير على قلبى يحلم بالسعادة
حتى فى عنبر جنون

تعليقات الفيس
0 تعليقات البلوجر

0 التعليقات :