الموت بقى ماله قريب ليه
مبقاش بيشوف مسافات وسنين
كل ما بتسيبه يومين تلاقيه
عمال بيخْطف بنى ادمين
وانت مكانك
قاعد كده بتفارق ناس
وبتجمع منهم احزانك
مش خايف من بكره الجاى
مش حاسس بألامك وانت
فى عزاهم وبتشرب شاى
مش عارف بكره تودع مين
اللى بيضحك ولا اللى حزين
وتروح وتغيب
ترجع وتفارق ناس تانيين
والدايره تدور وانت مكانك
مستسلم بيها لاحزانك
وهتهرب منها تروح على فين
وتروس الدايره مبتوقفش
مبتستناش حتى لبكره
والدايره بسرعتها بتقفل
والناس نفسيا متحصره
وبقوا اشباه للبنى ادمين
بيموتوا عشان اصلا خايفين
والخوف بيكون م البعد اكيد
والحاله دى نفسيا بتزيد
لما تقرب م الشهوات
وتفوت ربك
وتضيق اكتر فـ المسافات
وتتوه بتدور على حلمك
فى ايادى الناس
ونسيت انه فـ ايد رب الناس
اما انت حقيقي الله يعينك
ع الفرق اللى مابينه وبينك
المؤمن وياك متعارض
فالابتلاء صابر وصامد
وانت وسط الحزن بارد
والايمان جواك يدوب
حبة مشاهد
وكام مره تقول هبدأ
ومن بكره ومجاش بكره
يا صاحبى كلنا تايهن
ما بين الدنيا والاخره
فيا نحافظ على المسافات
ونتعلم نحب الدين
يا يجى الموت يقسمنا
لناس اموات
بتفارق ناس .. اموات عايشين
#الايمان
#محمود_رضا
كـلــمــاتــ بـقــلــم مـحـمــود رضـــا
تابع القراءه »
و فيها إيه !! .......
لما تجرح .. لما تكدب .. لما تدبح
مش هطلب منك ترحمنى
و لا عمرى بوجعى هبوح
تابع القراءه »
غيبوبة
العدد الأول من سلسلة (تحت الطبع)
البرومو
_______________________________________
العدد الأول من سلسلة (تحت الطبع)
البرومو
_______________________________________
هناك ... فى حجرة العناية المركز تقبع ... يخرج و يدخل جسدها الضئيل خراطيم تجعلها أشبه ما يكون بالقنفذ!
تابع القراءه »
هتفضل عايش ف الماضي ..
و الحاضر ضارب ف ضهرك ..
و كأن حنينك ده العادي ..
و المستقبل دايما تاعبك ..
تابع القراءه »
الاشتراك في:
الرسائل
(
Atom
)
