عارف انت يوم ما تعشقْ
نفس يوم السهم يرشق
لما يلزق
ف الصميم لما أخر الحلو عَلْقَمٌ
--------
الدُنيا شويه وهتلَيلْ وهشوفِك فوق
وارجع من تانى اعمل عيل غرقان ف الشوق
واسرح على نفسى واتنيل معرفشى افوق
الكون لعيونك ولا يسوه ده مكان موبوء
ولا تتساوى بجنس النسوه بلا قله زوق
ابصم بلخمسه وبلعشره من نور مخلوق
------
قصة اجدعها كفاح
عشقت جوزين تفاح
وشفايف زى اللوز
وف ايدى انا المفتاح
بفرح وقت اما بعوز
فى الحب الجنه براح
بتعبى الحزن ف كوز
فى العشق جناين افراح
بتنسيك لويك ف البوز
--------
على فكره انا مش استك يعنى
بتشد وبرجع بسهوله
انا اضعف فلته بتوجعنى
جرح من الدرجه الاولى
----
على فكرة حلال جداً
لما عيوب الدنيا تبان
والضيقة تضيق اضيق مثلاً
تسرق فرحة من الأحزان
-----
انا خايف والله اقولها
ومشاعرى جداً معذوره
دِبلت ياما واتغير لونها
خِسرت يجى مليون فوره
ف الورقه قُمتْ مسطرها
بحبك والباء مكسـوره
-----
قاعد بشرب هذا المدعو الباء والنون
علي روح العشق المدفون
ع الدمع اللي يوماتي يلالي متشحتط
برا الجفون
ع الخد اللي خلاص اهو بالي من مُر
الدمع المشجون
ع الضحك اللي قريبا فاني من كتر الحُزن
المكنون
دا من كتر خُلاطة احزاني
القهوة الساده بتترجاني
ابطل أفكر
واشرب ينسون
---
قرار نهائي لاجل الراحه
بكل بروداً ووقاحه
هبطل افكر فى الأحداث
الى ادلع والى اتباس
او ال اتسبله دين وانداس
مش هشغل بالى انا بلموضوع
ولا احاول اكل مفجوع
ونتيجاً عن هذا الحال
قررت وبدونَ جدال
قررت أطبل فى الزفه
قررت المشى البطال
---
ياما نفسى أبنى
فى قلبِك مول
واشترى كل اللى بيعاهم
ماهو يعنى مش معقول
احسن بضاعه رمياهم
--
بقى قلبى كأنه تِكيه
وانتى البلطجى ياعنيه
إتاوه بوستين فى اليوم
والأحضان دى غصب عليه
---
جاى أديكى انا درس حساب
عِدى بقى ورايا
النهارده تلات سلامات
وامبارح فيه ضحكايه
و أول سبع بسمات
وبكرا بغمزايه
محمد أيمن
