بنت الإشارة لـ أحمد صلاح

 

كات أول نظرة حب فـ حياة الولد
نظرة بنت الاشارة ..
وسعتها كان محتار .. !
النظرة دى ليا ؟
ولا تكون شاملة !
لاكن لمين غيرى ؟
ممكن تكون بالجملة ؟
تشمل شباب سيرى .. !
عدت ليالى كتيير
داب السؤال فيها
وأتبقت العادة ..
خصص مشاويرة فـ نفس الطريق
وفاضت لهفتوه بزيادة ..
بعد غيابها بـ شهرين
عدا الرصيف شارد
من ذكرى نظرتها ..
لسة عنيك بتشوف
إلا اللى حبيتها ..
بنت الطريق نسياك
علشان بترمى العين ..
كات عينها تغمز ليك ..
وانتا يا عينى عليك
عينك رقم 60 ..
شايف ومين شافك
ولهان على الطلة ..
كل الطرق مره
والعين مبتحليش ..
سبت الطريق مشاك
والنظرة جات بقشيش ..
عديت ف كام شارع ؟
ورجعته م الاول
لجل الشبيه صبار
والاصل بيطول ..
جاحدة يابنت البلد
يالى انتى مش م النسل
عشمتى ليه الولد ؟
دى النظرة جات فـ الكهل ..
ملعون ابو دائِك
ملعون أبوك يا سهم
سحر العنين ترياق
فى أدوية بتثم ..
وفـ اخر الايام
بعد الظنون بيومين ..
مَلَّ أنتظار العين
من كل زاوية طوف ..
كان بيوفر بصيص الخلق
علشان يبوح الشوف ..
أسفلت الشوارع ملهوش رَكَّ
الرَكَّ رجلينك ..
2000 حلول لـ الجاى
الى حلول سينك ..
رجِع لـ نفس الاشارة
وسِبّ لـ الارض 200 ربُع
علشان رفضت تخطى البنت
وصوت بيقول ..
ياريتها ما عددت ..
تلوم أزاى على طباع الارض ؟
دا الارض يوم ما تَحَنّ
بتخنق الميت ..
دارت الأيام وعدا الوقت ..
الولد بقى شاعر دلوقت ..
وعقيدته بتمنع كبت الفكرة ..
ممكن يكون موجوع .. لاكنة فايز ..
فـ لاقعدن على الطريق وأرتخى ..
بنت الطريق خسرت أوى ..
بنت الطريق شعراً قوى ..
وقت أما كان عاجز.

‫#‏بنت_الأشارة‬
‫#‏أحمد_صلاح‬