سكه سفر لـ طارق مبارك
والتوهه فـ الدنيا قدر
وانا قلبي عاشق للسهر
وقلبك انتِ عاشق لايه !!!
سِكه سفر
والحب بيشبه للقمر
وانا قلبي جواكي انغمر
وتوهت قلبِك سببها ايه !!
سِكه سفر
والنور عـ اول الطريق
بيبتدي واسع ويضيق
وانا قلبي شافك كيف الرحيق
وقلبِك انتِ شافني ازاي!!!
سِكه سفر
وشوفتِك ليا فيها الصديق
وشوفتِك نهار بيأيد
الفرحه جوا قلبي الخنيق
وفرحتِك حعزفها عـ نبضي واكنه ناي...
سِكة سفر
وانا قلبي حفر
فـ الصخر لجل يبقالك ذهب
يا حب جوايا انكتب
يا فرح فيا انشبك
غزلتي من قلبي الشبك
لجل ابقي لقلبِك صيادك
وانا جيت اهو فـ ميعادك
سِكه سفر
والحزن مالوش مكان
وكان يا مكان
يحلي السفر
بكلام حبيبك اللي بيشبه للكمان
سِكه سفر
وانا قلبي عمره ما عطش
يا نسمه بتضوي عـ الجبين
فـ تضيع احساس العطش
انا قولتلك مـ سنين
انا جوا مني قلبي فرش
ليكي سِكه سفر
اختصارها يادوبك كلمتين
انا موافقه يا سيدنا الشيخ
واعلنا زوجين
يفرقنا الموت فـ عُمر الشيب
سِكه سفر
