خلاص قررت لـ مريم احمد

خلاص قررت من باكر
أكون ناسي و مش فاكر
كلامنا ف عز برد الليل
و طعم الويل
ووعد قطعته علي نفسي قصاد النيل
ب اني أكونلك المرسي
و روحي ف جنتك ترسي
ومهما عليا راح تقسي
أكون وياك ...

لكني خلاص....

لكني خلاص قررت ادوس قلبي و اقتل فيه

خلاص مابقاش يفرحني سؤالي عليه

و طعم الغيرة أنا نسيته و هايفرق ايه

ماهوش فارق
مع الأيام هاينساني
و اكيد هايحب من تاني
و لا هايحس باني ف بعده راح اعاني

فلازم انسي اني هويت
ولو سألوني ..
أقول حبيت و ما اتحبيت
و يكفي اني كام مره معاه اتهنيت

كده كفاية
و من باكر
هاكون ناسي و مش فاكر
هاكون شاكر
لكل مابينا و مخبيه
عشان ماارجعش من تاني ادور فيه