قواعد العلاقات السبعة لـ محمد الحويف

 

 

قواعد العلاقات السبعة

1
ضيق دايرة صُحابك
وسع دايرة معارفك
مش كل من صاحبك صاحبك
ولا كُل من عرفك عارفك .

 

2
بين البُعد والقُرب خيط
خلي دايماً في فاصل
خلي دايماً خط واصل
قرب حبة وإبعد حبة
مش كُل البُعد كُره
ولا كل القُرب محبة .

3
فرق ما بين
صاحبك اللي باعك . . والصحوبية
هو فاني . . وهي باقية
حبيبتك اللي سابتك . . والحُب
هو باقي . . وهي فانية
كُل صاحب بيسيب - كان لازم يجي - لجل حكمة - يمكن ماتعرفهاش
كُل حبيب بيغيب - كان رسالة - لجل أما تيجي الفرصة - ماتضيعهاش

4
البعيد عن العين
موجود في قلبك
والبعيد عن القلب
بعيد عن عينك
حتي لو موجود جمبك .

5
كُل شخص بتعرفه
بيسيب علامة جواك
حتي لو علاقتكوا
نظرة . . وسُكات
وشخصيتك بتبقي عبارة
عن مجموع هذه العلامات .

6
فرق ما بين
صاحبك اللي بجد
واللي من برا صاحبك
بس مش كدا من جوا
الاتنين بتعرف معاهم تحكي
بس صاحبك اللي بجد
اللي بتعرف فـ حُضنه تبكي .

7
مفيش حاجة بتقويك
قد خُسارة اللي بتحبهم
مفيش حاجة بتنسيك
أي كلمة طلعت منهم
رحم الله الغايبين عننا
ومتع الحاضرين باللي جمبهم .

 

محمد الحويف