يا ست الكل لـ مصطفى محمود

 

"يا ست الكل"

شقوق رجلِّك دليل إثبات
إنك كل الساعات
بتلفِّي دايماً ع راحتي
و جوه راحتي قلبك انتي
نجم عالي فـ السما
فـ قاموسك انتي
عرفت معني طعم الحياه
عرفت معني التضحيه
وسهر الليالي مـ غير نوم
ياللي انتي ملكة ع النجوم
يا فرصة تانية للقا
بخير الدنيا المستخبي
يا سر بركة الدعا
يا طاعة غالية عند ربي
تحت منك جنة سايرة
نفسي ابقي جزء فيها
نفسي ارد كل حاجة بتعمليها
ومش نسيكي
بعد فراق الروح لجسمك
مـ غير أعياد وكلام كتير
ببقي عايش بردو فاكرك
وفـ كل صلاتي بدعيلك
وع قبرك
تملي بجيلك وأشكيلك
مـ ضيق الدنيا ع روحي
ويوم ما أكمل نص ديني
لازم تبقي صورة متك
رغم عارف إنه صعب
إني ألقي حد شبهك
بس احاول
أبقي أخلي بنتي زيك
تبقي واخده كل طيبتك
وأبقي سايب بذرة حية
بعد موتي
تبقي فاضلة شايلة اسمك