يسقط يسقط لـ مريم احمد

يسقط يسقط حكم العسكر
حاصروا بلدنا تقولش معسكر
و الشعب من الصدمة بيسكر

رسموا اللعبه والله براوه
واحنا اسم الله شربنا المقلب
واتقرطسنا بكل غباوة

يسقط يسقط يسقط يسقط
يسقط حكم ولاد الكلب
أنا مش قابل اعيش ف الغلب
حق الشهدا هاجيبه ب أيدي
و اللي يعاند . يلقي وعيدي

يسقط كل عبيدكو الآن
أنا مش عسكر ولا اخوان
ولا راح اموت علي ايد سجان
واللي يقولك اسكت خالص
دي حطانا بقي ليها ودان
قوله اتنيل ولا تتهان
و اوعاك تخضع لجل جبان

يسقط أي رئيس بجيوش
امسك اقتل حلق حوش
واد ارهابي ماترحمهوش
شيل كيل حبه قواضي
دا احنا معانا سيادة القاضي
راح يحكم بالسجن عليهم
والداخلية اتوصت بيهم

اسمع مني وقول مفهوم
اللي يقولك اوعي تعارض اوعي تثور
أرض ميدانك تبقي قبور
قوله يا استهدي و اوعي تجور
لو أيامنا بدون حرية
يبقي أحسن / خليها تغور