تزيدني وازيدها لـ طارق مبارك

تزيدني غموض فـَ ازيدها ردود
ولكي تعيش مبسوط عيش فـ حدود
فـَ قولت موافق مفيش مانع
اكونلك شاري مش بايع 

فـَ ترُد عليا بالاعذار 
وتبني ما بينا الف جدار
ويكون مكتوب عـ المرسال
معلش ظروف .. فـَ تزيدني سؤال
حسيت بالخوف ... فـ ازيدها دموع
عطشان الجوف ... فـَ تزيديني وجوع
حنيت فـَ بتطوف .... فـَ ازيدها رجوع
ندمان الشوف .... فـَ تزيديني غياب
حبيت فـِ كسوف ... فـ َازيدها غياب
فـ انا المسؤل ... فـَ تزيديني عتاب
وانا المقتول ...... فـَ ازيدها اشتياق
وانا المعلول ..... فـَ تزيدني فراق
وانا الصادق وانا الكداب
وانا اللي فارق بقفله باب
وانا العايش عـ اللي فات
وانا البايش اكنه مات
وانا الحالم وهي الحلم
وانا الظالم فـ روايه الفيلم
مع اني بحب واحن
زادتني قسوة فـ زيدتها بالحضن
فـَ تزيدني غموض وازيدها ردود
وانام مغضوض ومش مطمن
وادعي اقابلها واكمل
بواقي الضحك اللي اتخمل
جوا جبين بالدموع متحمل